"Алтын Орда" мектебінде әліппемен қоштасу мерекесі өтті!

2024 жылдың желтоқсан айында "Алтын Орда" мектебінің бастауыш сынып оқушылары алғашқы білім кітабы – Әліппемен қоштасу мерекесін өткізді. Бұл күн кішкентай шәкірттеріміздің білім әлеміндегі алғашқы маңызды қадамдарының қорытындысы болды.

Мерекелік шара барысында оқушылар әліппеден үйренген білімдері мен өнерлерін көрсетіп, ата-аналары мен ұстаздарын қуанышқа бөледі. Олар өлеңдер оқып, ән айтып, өздерінің шығармашылық қабілеттерін паш етті. Әліппе мен Ана тілі арасындағы қызықты қойылымдар көрермендерді ерекше әсерге бөледі.

Бұл іс-шара балалардың тек білім алудағы жетістіктерін ғана емес, сондай-ақ олардың өздеріне деген сенімділіктерін, ұжымда жұмыс істеу дағдыларын көрсеткен тамаша мереке болды.

Шара соңында оқушыларды жаңа белестер күтіп тұрғаны айтылып, олар "Ана тілі" оқулығын салтанатты түрде қарсы алды. Ата-аналар мен ұстаздар балаларға жылы лебіздерін білдіріп, болашақта білім жолында үлкен жетістіктерге жетулерін тіледі.

Біз бастауыш сынып оқушыларын осы маңызды қадамдарымен құттықтаймыз! Алда оларды білімнің жаңа әлемі күтіп тұр. Сәт сапар, кішкентай білімқұмарлар!